ՇԻՆ. ՀՐԱՊԱՐԱԿԻ ԿԱԶՄԱԿԵՐՊՈՒՄ
«ՎԱԵԼԿՈՆ» ընկերությունը, մինչև շինարարական աշխատանքների սկսելը, իրականացնում է շինարարական օբյեկտի նախապատրաստումը՝ նորմավորված շինարարական աշխատանքների կազմակերպման նպատակով: Այն է՝ անցկացնել համալիր միջոցառումներ, որոնք տալիս են հնարավորություն շինարարական աշխատանքները մեկնարկել ժամանակին՝ կազմակերպչա-տեխնիկակական բարձր մակարդակով, որն էլ իր հերթին ստեղծում է պայմաններ շինմոնտաժային աշխատանքների արտադրական ծրագրիրը իրականացնել բարձր տեխնիկա-տնտեսական ցուցանիշներին համապատասխան և նախատեսված ժամկետներում:
Շինհրապարակի կազմակերպումը դա յուրաքանչյուր օբյեկտի կառուցման նախնական փուլն է, որը նախապայման է որակյալ և սահմանված նորմատիվներին համապատասխան շենք-շինությունների կառուցման համար: Նախագծային լուծումներից և շինհրապարակի կազմակերպումից կախված են շինմոնտաժային աշխատանքների որակյալ իրականացումը, նյութերի, շինվածքների, կոնստրուկցիաների ապահովվածությունը, տեխնիկական անվտանգության կանոնակարգերի պահպանումը, շինարարական արտադրության որակն ու կուլտուրան, աշխատակազմի աշխատանքի և հանգստի հարմարավետությունը:
Ի՞նչ է ներառում շինարարական հրապարակը:
Շինարարական օբյեկտի մշտական տեղակայման, ինչպես նաև շինմոնտաժային կազմակերպությունների ծառայությունների (հաշվի առնելով նաև աշխատանքների իրականացման պայմաններից բխող լրացուցիչ տարածքի ժամանակավոր հատկացումը) իրականացման համար նախագծով սահմանված կարգով հատկացված տարածքը համարվում է շինարարական հրապարակ:
Կարևոր նշանակություն ունեն ընդհանուր տարածքի շինարարական գլխավոր հատակագիծը, կազմակերպչա-տեխնոլոգիական սխեմաները, նախատեսվող աշխատանքների իրականացման ամփոփ օրացուցային պլանը, ներառյալ ժամկետները, շինմոնտաժային աշխատանքների հաջորդականությունը, ծավալները և բաշխումը ըստ շինարարական փուլերի:
Շինարարական օբյեկտի նախապատրաստման ուղղվածություններն են.
- Ինֆորմացիոն ընդհանուր դրույթներ;
- Շինհրապարակի նախնական մաքրում, չօգտագործվող շինությունների քանդում;
- Շինհրապարակի տարածքի և աշխատանքների իրականացման տեղամասերի ցանկապատում;
- Շինհրապարակի անվտանգության և լուսավորման կազմակերպում;
- Ժամանակավոր ճանապարհների կառուցում դեպի շինհրապարակ և նրա ներսում;
- Մոնտաժային ամբարձիչների և մեխանիզմմների տեղակայում;
- Ժամանակավոր արտադրական գծերի և գործարանների/արտադրամասերի տեղակայում;
- Հատուկ տեխնիկայի անվադողերի լվացման կետերի նախատեսում;
- Կենցաղային կոնտեյներներ ընկերության ղեկավարության և շինարարների համար;
- Պահեստային տնտեսության կազմակերպում;
- Կոնստրուկցիաների և դետալների խոշորացված հավաքման համար տարածքներ;
- Շինհրապարակի ժամանակավոր էլեկտրամատակարարում;
- Ժամանակավոր ջրամատակարարում և կոյուղի;
- Ժամանակավոր ջերմամատակարարում;
- Շինհրապարակի տարածքի մաքրում;
- Ինֆորմացիոն ցուցատախտակների և ցուցանակների/նշանների տեղադրում;
- Հակահրդեհային կազմակերպչական միջոցների նախատեսում:
Հետագայում, շինարարության ընթացքում, շինհրապարակի կազմակերպումը կպահանջի փոփոխություններ, որոնք նույնպես անհրաժեշտ է իրականացնել:
Շինարարության օբյեկտները և տեղամասերը, որտեղ դրանք կառուցվում են, կարող են բնույթով, յուրահատկությամբ և այլ չափանիշներով էապես տարբերվել: Համապատասխանաբար, շինհրապարակների կազմակերպման բնույթն ու բովանդակությունը նույնպես կարող են տարբեր լինել:
