ԱՍՊԻՐԱՑԻՈՆ ՀԱՄԱԿԱՐԳԵՐ
«ՎԱԵԼԿՈՆ» ընկերության մասնագետները մշակում են բոլոր տեսակի ասպիրացիոն համակարգեր տարբեր արտադրական օբյեկտների համար, որոնք զբաղվում են մետալուրգիայով, հանքարդյունաբերությամբ, շինանյութերի արտադրությամբ, փայտամշակմամբ, քիմիական արդյունաբերությամբ, սննդի արտադրությամբ և այլն:
Օդի ասպիրացիան տեխնոլոգիական արտադրական գործողությունների կարևոր բաղադրիչն է, որը կապված է շրջակա և աշխատանքային միջավայրը աղտոտող փոշու, թեփի և այլ մանր մասնիկների կամ գազերի արտազատման հետ: Դրա անհրաժեշտությունը պայմանավորված է օդի մաքրության սանիտարական չափանիշներին համապատասխանության, անվտանգ և հարմարավետ աշխատանքային պայմանների ապահովման պահանջներով: Ժամանակակից ասպիրացիոն համակարգերն ի վիճակի են արդյունավետորեն հավաքել տարբեր արտանետումներ՝ պինդ մասնիկների, մանրաթելերի, փոշու և օդի չոր աղտոտման այլ տեսակների տեսքով:
Փոշու ասպիրացիոն համակարգերը բաղկացած են տարբեր տեսակի փոշեհավաք ագրեգատներից: Համակարգը կարող է միաժամանակ ներառել ցիկլոններ, թևքային զտիչներ: Սարքավորումների նման կիրառումը համարվում է ամենաարդյունավետը, քանի որ այն ի վիճակի է իրականացնել բազմաստիճան մաքրում փոշու բոլոր ֆրակցիաներից:
Արդյունաբերության բոլոր այն ձեռնարկություններում, որտեղ առաջանում է փոշի, անհրաժեշտ է փոշու ասպիրացիա: Աշխատանքային տարածքի օդից փոշու մասնիկների հեռացումն ապահովում է արտադրական պրոցեսների բնականոն ընթացքը, վերացնում աշխատողների վրա վնասակար ազդեցությունները և նվազագույնի հասցնում արտանետումները դեպի մթնոլորտ: Արդյունաբերության որոշ ոլորտներում փոշու հավաքումը պարտադիր է` պայթունավտանգ կուտակումների մեծ հավանականության պատճառով:
Ասպիրացիոն համակարգերի օգտագործումը էապես պարզեցնում և հեշտացնում է ընդհանուր օդափոխության համակարգի աշխատանքը, որին բաժին է ընկնում միայն բավարար օդափոխության և թարմ օդի հոսքի ապահովումը: Միևնույն ժամանակ, արտածման գծերն աշխատում են ըստ նախագծի, քանի որ օդի բաղադրության մեջ կողմնակի հավելումների առկայությունը սովորաբար հաշվի չի առնվում: Կատարվում է միայն արտանետման ծավալի մասնակի կարգավորում՝ հաշվի առնելով ասպիրացիայի և փոշու հեռացման աշխատանքը:
Ինչո՞վ է տարբերվում ասպիրացիան օդափոխությունից:
Օդափոխության համակարգերը նախատեսված են օդի վերամշակված ամբողջ ծավալում որակը վերահսկելու համար, օրինակ, արտադրական տեղամասում, իսկ ասպիրացիոն համակարգերը ծառայում են տեխնոլոգիական սարքավորումների աշխատանքային գոտուց աղտոտող տարրերը հեռացնելու համար:
Ագրեգատների աշխատանքի սկզբունքն է աղտոտված օդի հոսքի ներծծումը ցիկլոնային տիպի սարքավորման մեջ, որի ներսում առանձնացվում և կուտակվում են պինդ մասնիկները, մինչև դրանց հեռացնելը:
Արտադրության մեջ օգտագործվող համակարգերը մեծապես տարբերվում են՝ կախված տեղամասի չափերից, ոլորտի առանձնահատկություններից, մաքրության և դեպի մթնոլորտ արտանետումների նկատմամբ պահանջներից:
Արդյունաբերական ասպիրացիան դա փոշու ներծծումն է օդատարերի / գազատարների մեջ նվազեցված ճնշման ճանապարհով: Գործողության սկզբունքով տվյալ սխեման հիշեցնում է օդափոխության արտածումները: Ասպիրացիայի և օդափոխության համակարգերի միջև տարբերությունը կայանում է նրանում, որ ասպիրացիոն համակարգերը հիմնականում աշխատում են փոշու մասնիկները հեռացնելու վրա՝ օգտագործելով օդը որպես աղտոտող չոր նյութերի կրող: Չնայած տերմինաբանության որոշ տարբերություններին, տվյալները սերտորեն կապված են:
Օդափոխության և ասպիրացիայի տիպային համակարգը բաղկացած է հետևյալ բաղադրիչներից.
- օդափոխիչ՝ ստեղծում է վակուում (բացասական ճնշում);
- մաքրող սարք՝ զտիչեր (ցիկլոններ, թևքային և քարտրիջային զտիչներ և այլն);
- օդատարեր / գազատարներ՝ օդային հոսքերը վերահսկող խողովակներ;
- փոշեհավաքներ կամ կուտակիչներ՝ հավաքման ստացիոնար կամ ներկառուցված բեռնարկղեր (տարաներ);
- ղեկավարման և ավտոմատիկայի համակարգեր:
Ավելի մեծ մասշտաբի ստացիոնար տարբերակի դեպքում տեղամասերի ասպիրացիան բաղկացած է խողովակաշարերի կամ գազատարների ճյուղավորված համակարգից, օժանդակ հանգույցներից, աղտոտումը չեզոքացնող կայանքներից: Աղբը հավաքվում և բեռնաթափվում է տրանսպորտին անմիջապես կամ կուտակվում պարկերում: Փոշին վերամշակելի է, թեփը պահանջարկ ունի գյուղատնտեսության մեջ, իսկ թունավոր նյութերը անվտանգ հեռացվում են:
Չնայած կոնստրուկցիայի թվացյալ պարզությանը, ասպիրացիոն համակարգերի արտադրությունն ու պատրաստումը մի պրոցես է, որն ինժեներական և նախագծային ոլորտում պահանջում է մեծ փորձ:
«ՎԱԵԼԿՈՆ» ՍՊԸ ասպիրացիոն խնդիրների լուծմանը մոտենում է համալիր՝ մատուցելով հետևյալ ծառայությունները.
- Նախագծային և աշխատանքային փաթեթների մշակում;
- Ղեկավարման, ավտոմատացման և դիսպետչերացման համակարգերի մշակում;
- Զտիչ սարքավորումների ընտրություն և մատակարարում (զտիչներ, օդափոխիչներ);
- Համալրող սարքավորումների ընտրություն (ծածկեր, բեռնաթափման սարքեր, օդատարեր, փականներ);
- Մոնտաժային (շեֆմոնտաժային) աշխատանքներ;
- Գործարկում և կարգաբերում;
- Երաշխիքային և սպասարկման ծառայություններ:
Ասպիրացիոն համակարգը ենթադրում է իր հիմնական խնդիրների սահմանումը դեռ նախագծման փուլում: Նախագծի մշակումը նախատեսում է համալիր մոտեցում այդ խնդիրներին, որոնք նման համակարգը պետք է լուծի հետագայում: Կարևոր է հաշվարկել օդի մաքրման ծավալները և վերլուծել փոշեհավաք համակարգի բոլոր պարամետրերը, ըստ այդ հաշվարկի ընտրել և նախագծել ասպիրացիոն սարքավորումներն ու օդափոխիչները:
